UNHA MINI CHARLA SOBRE COMO DEBEMOS ESTUDAR

Dende hai anos levamos aprendendo:
- como ten que ser o noso lugar de estudo
- como ten que ser a nosa actitude ante o estudo
- como temos que esquematizar
- como nos planificamos
- como estudar adecuadamente
Hoxe vimos unha presentación en power point como resumo de todo.

REMATAMOS A INVESTIGACIÓN DO PROXECTO

ESTAMOS REMATANDO O PROXECTO SOBRE CONTINENTES, PAÍSES, COMUNIDADES...
INVESTIGAMOS SOBRE GALICIA E ESTAMOS TENTANDO ELABORAR UN MAPA MENTAL PARA RESUMIR ESTA INFOMACIÓN. AQUÍ ESTAMOS EN PLENA TAREFA

SOMOS XENIAIS

SAÍUNOS MOI BEN TODO O DA FESTA DO MAGOSTO, A PESAR DE QUE O DÍA ESTIVO ALGO CHUVIOSO...
ESTIVEMOS ATENTAS E ATENTOS A TODAS AS NECESIDADES: MONITORIZAMOS ACTIVIDADES, COLABORAMOS CO ASADO, AXUDAMOS NA DISTRIBUCIÓN DAS CASTAÑAS, RECOLLEMOS, COLABORAMOS NO DESCASCADO DE CASTAÑAS PARA AS NENAS E OS NENOS DE INFANTIL,... E ATA TIVEMOS TEMPO DE DEGUSTAR CASTAÑAS!!!

MAÑÁ IMOS REALIZAR TAREFAS RELACIONADOS CO NOSO RANGO

SI, ENTENDESTES BEN, CO NOSO RANGO... CO NOSO RANGO DE MAIORES DO COLE.
IMOS SER IMPRESCINDIBLES NA BOA MARCHA DA CELEBRACIÓN DO MAGOSTO. QUE NERVIOS!:
- SEREMOS MONITORAS E MONITORES NO CIRCUÍTO DE ACTIVIDADES
- AXUDAREMOS NO ASADO DE CASTAÑAS
- COORDINAREMOS O REPARTO DE ASADOS ÁS NENAS E AOS NENOS
- COLABORAREMOS NA ORGANIZACIÓN
AGARDEMOS QUE NOS SAIA BEN E POIDAMOS FACHENDEAR CON FOTOS!

APRENDENDO A SER PRUDENTES

Hai varias semanas que estamos traballando sobre un carné de prudencia. A idea procede un programa da Consellería de hai varios cursos. Nós aproveitamos eses carnés, reflexionamos sobre o que dicía e elaboramos os nosos propios. Hai ideas xeniais (o carné maleta, o carné folleto, o carné media cuartilla,...)

Aprender a previr riscos está recollido nos dereitos da infancia, que será unha das celebración que teremos no cole este outono...

ELABORAMOS UN TEXTO EXPOSITIVO

SEGUINDO CO NOSO PROXECTO RELACIONADO COS CONTINENTES...ESTES DÍAS ESTAMOS RECOMPILANDO INFORMACIÓN SOBRE ESPAÑA. 1º REVISAMOS O QUE SABIAMOS O CURSO PASADO.
AGORA ESTAMOS ELABORANDO UN TEXTO EXPOSITIVO:
- EN PARELLAS FIXEMOS UN GUIÓN DE PREGUNTAS
- PUXEMOS EN COMÚN E AMPLIAMOS A PROPOSTA
- COAS PREGUNTAS COMO GUIÓN, IMOS AGORA REDACTAR O TEXTO EXPOSITIVO
XA VEREDES QUE BEN NOS QUEDA! VAI ESTAR MELLOR QUE OS TEXTOS DOS LIBROS!!!
E MENTRES XOGAMOS UN POUCO UTILIZANDO OS MAPAS INTERACTIVOS QUE APARECEN AO CLICAR AQUÍ.

O XORNAL

DENDE PRINCIPIO DE CURSO TRABALLAMOS CO XORNAL. TODAS AS SEMANAS REVISAMOS OS XORNAIS E TRABALLAMOS CON ALGUNHA NOVA.
APRENDEMOS VOCABULARIO, FACEMOS AMPLIACIÓN Á MARXE, SUBLIÑAMOS, DEBATEMOS...
DÁ MOITO TRABALLO PERO É MOI INTERESANTE.
NUNHA DAS CLASES ESTAMOS SEGUINDO A INFORMACIÓN DO VOLCÁN NO ARQUIPÉLAGO CANARIO...
LEMOS TAMÉN O DOS "CALABACÍNS XXL" (E ACABAMOS DEBATENDO SOBRE AS HORMONAS), UNHA NOVA SOBRE A BERREA,...
O CURSO PASADO USAMOS A PIRÁMIDE PARA RESUMIR AS NOTICIAS, ESTE CURSO VAINOS TOCAR PLANIFICAR NOTICIAS EMPREGÁNDOA.
IGUAL POÑEMOS AQUÍ ALGÚN DOS RESULTADOS...

INVESTIGAMOS SOBRE FROITOS DE OUTONO

EN 6º TEMOS QUE ELABORAR UN LIBRO XIGANTE SOBRE A FROITA QUE NOS TOCOU INVESTIGAR. FALAMOS DO QUE SABIAMOS
ELABORAMOS PREGUNTAS SOBRE O QUE QUERIAMOS SABER E...
PUXÉMONOS A INVESTIGAR...
DE MOMENTO INDA TEMOS POUCA INFORMACIÓN PERO XA IRÁ MEDRANDO...
TEREMOS QUE PENSAR COMO A COLOCAMOS NO LIBRO XIGANTE... UFFF! INDA TEMOS TRABALLO POR DIANTE.
NIN NOS LEMBRAMOS DE FACER FOTOS DO QUE ESTAMOS ELABORANDO!!!!!

COMPARTINDO INFORMACIÓN

ESTE PROXECTO DO OUTONO DÁ MOITO DE SI...
OS GRUPOS DE 6º LEVAMOS DÍAS TRABALLANDO SOBRE OS BODEGÓNS E AS PERSOAS QUE OS PINTARON.
ANALIZAMOS UN BODEGÓN DE MONET E INVESTIGAMOS SOBRE ESTE PINTOR.
O VENRES DECIDIMOS COMPARTIR INFORMACIÓN ENTRE AS DÚAS AULAS DE NIVEL.
ASÍ QUE PRIMEIRO FIXEMOS UNHA PLANIFICACIÓN DO QUE QUERIAMOS DICIR NO TABOLEIRO, AXUDÁMONOS DUNHA REDE DE IDEAS...

E DESPOIS REUNÍMONOS NUNHA DAS AULAS.