REMATAMOS PRIMARIA

Os grupos A e B de sexto despedímonos do centro. Rematamos primaria e marchamos para o IES. Non comezaremos aquí o vindeiro curso. Tampouco virá o curso próximo a profe Sita, xubílase e vai gozar de descanso e das cousas que máis lle gusten, xa vistes como a despedimos. Deica sempre! FELIZ VERÁN!

6º REVISA A SÚA HISTORIA NO COLEXIO Nesta última semana o profesorado despídese do alumnado de 6º e entre as actividades estivo a sorpresa de amosarlles as súas fotos dende infantil. O ALUMNADO DESPÍDESE DO PROFESORADO O alumnado de 6º despídese do profesorado. Hai fotos, agasallos, dedicatorias,... Tamén hai un agasallo e unha despedida especial para Nieves, que durante moitos cursos mantivo coa clase unha relación especial. A despedida máis emotiva foi a que o alumnado dedicou a Sita pola súa xubilación: ramo de flores, libro especial con cartolinas e dedicatorias e... unha cantiga con letra do alumnado de 6º e voces do coro do colexio.

ESTAMOS NO 22 DE XUÑO...
E...
IMOS DE VACACIÓNS!!!
O VINDEIRO CURSO AGÁRDANOS UN NOVO CENTRO.
VERÉMONOS NO INSTITUTO.
BO VERÁN A TODAS E A TODOS!!!!
PROFE SITA... GOZA TAN PRONTO POIDAS DA TÚA XUBILACIÓN,

GOZANDO DAS ÚLTIMAS ACTIVIDADES NA PRIMARIA

Estes días todo nos sabe a último... últimas follas do caderno, últimos proxectos, últimas actividades,... pero só últimas na primaria porque no IES volveremos facer máis. Estamos nas clases traballando en grupos con cousas diversas. Botade unha olladiña.

CONTINUAMOS APRENDENDO SOBRE A HIXIENE POSTURAL

MARCELA, COMPLETOU A INFORMACIÓN QUE O PROFESORADO VÉN DÁNDONOS SOBRE COMO SENTARNOS, COMO LEVAR AS MOCHILAS, COMO TRABALLAR CO ORDENADOR,... TIVEMOS UNHAS SESIÓNS DURANTE AS CLASES DE EDUCAIÓN FÍSICA.

ESTE ANO TAMÉN ELABORAMOS COMIDA

Este ano tamén houbo comilona. Nieves e as profes axudáronnos a elaborar bombóns. Primeiro tivemos que traballar coa receita, cos prezos dos ingredientes e resolver cooperativamente o problema, pero pagou a pena... Fixemos uns bombóns incribles!

TROUXÉRONNOS O CARTAFOL DO LÉREZ

VIÑERON VARIAS PERSOAS TRAERNOS O CARTAFOL DO LÉREZ, UNHA PUBLICACIÓN MOI XEITOSIÑA. ESTÁ MOI BEN, APARECE UNHA REPORTAXE SOBRE OS OBRADOIROS REALIZADOS NO COLEXIO E TAMÉN OUTRA SOBRE A BIBLIOTECA DO COLE.

UNHA FERMOSA EXPOSICIÓN NO COLEXIO

NO EDIFICIO DE SECRETARÍA HAI UNHA MARABILLOSA EXPOSICIÓN FOTOGRÁFICA SOBRE O LÉREZ E 6º FORON AS PRIMEIRAS CLASES EN VISITALA. HAI FERMOSAS IMAXES SOBRE SERES VIVOS DO RÍO LÉREZ. SEGURO QUE IMOS VOLVER.

FINA CASALDERREY VIRÁ O LUNS

Este trimestre lemos un libro da escritora pontevedresa Fina Casalderrey titulado "Ás de mosca para Anxo". Traballamos ao redor do libro e cos traballamos que fixemos e os que fixeron as nenas e nenos de 1º adornamos a biblioteca e puxemos unha mini-exposición con algúns libros de Fina. Diego fixo un fermoso retrato de Fina Agora agardamos que veña e seguro que teremos fotos para que as vexades.

TRABALLAMOS AO REDOR DE VALENTÍN PAZ ANDRADE

ENLAZANDO COA INVESTIGACIÓN SOBRE A IDADE CONTEMPORÁNEA, IMOS TRABALLAR SOBRE VALENTÍN PAZ ANDRADE E A SÚA ESFERA POLÍTICA. A SÚA VIDA TRANSCORREU BASICAMENTE NO SÉCULO XX, E FOI TESTEMUÑA DE FEITOS HISTÓRICOS IMPORTANTES E TAMÉN PROTAGONIZOU VARIOS DELES. IMOS USAR UNHA WEBQUEST. DESPOIS LEVAREMOS TODO A UNHA EXPOSICIÓN DE CENTRO.

UNS OBRADOIROS: CARTAFOL DO LÉREZ

A SEMANA PASADA E MÁIS ESTA ESTIVEMOS NUNS OBRADOIROS MOI INTERESANTES. XA VOS IREMOS CONTANDO MÁIS.

UN DÍA DO LIBRO CON CHARLES DICKENS

O 23 DE ABRIL ESTE ANO, ADEMAIS DE LEMBRAR A CERVANTES E AO QUIXOTE, DEDICÁMOLO A CHARLES DICKENS. FIXEMOS UNHA SESIÓN DE LECTURA NA BIBLIOTECA SOBRE UNHA OBRA DESTE AUTOR DO QUE SE CELEBRA O 200 ANIVERSARIO DO SEU NACEMENTO. AQUÍ VOS DEIXAMOS UNHA REPORTAXE FOTOGRÁFICA DO MOMENTO

TRABALLAMOS CON INFANTIL DE CINCO ANOS

CO ALUMNADO DE INFANTIL DE CINCO ANOS ESTIVEMOS FACENDO TITORIZACIÓN. AXUDÁMOSLLES A FACER EXPERIMENTOS COA ELECTRICIDADE E COAS CORES. VIRON CIRCUÍTOS E COMO FACER PILAS CON LIMÓN E PATACA, PILAS NAS QUE XA SOMOS EXPERTOS, POIS ESTE CURSO TRABALLAMOS SOBRE A ELECTRICIDADE.

TRABALLAMOS SOBRE A IDADE CONTEMPORÁNEA

MOITOS DOS TRABALLOS QUE LEVAMOS FACENDO A FINS DO 2ºTRIMESTRE TIVERON LUGAR NA IDADE CONTEMPORÁNEA:
- A CONSTITUCIÓN DE 1812
- A CONSTITUCIÓN DE 1978
- A ELABORACIÓN DA OBRA DE MONDRIAN
- O AFUNDIMENTO DO TITANIC...
MAIS HOUBERON OUTROS SUCESOS NESTE PERÍODO SOBRE OS QUE IMOS INVESTIGAR.

REPASAMOS HÁBITOS DE ESTUDO

UN CÓMIC AXÚDANOS A REPASAR HÁBITOS DE ESTUDO.
REPASAMOS ASPECTOS RELACIONADOS COA NECESIDADE DE PLANIFICAR E NON ADIAR AS TAREFAS, DESPOIS ELABORAMOS ESLOGANS QUE NOLO LEMBREN.

UN CADRO DE MONDRIAN

O DÍA QUE NOS DERON UNHA CONFERENCIA SOBRE VAN GOGH, O ALUMNADO DE CINCO ANOS PEDIUNOS AXUDA PARA ELABORAR O CADRO DE MONDRIAN Broadway Boogie Woogie.
NON É NADA DOADO E ESTÁ DÁNDONOS UN TRABALLO QUE PARA QUE!...
SAIREMOS DA LEA? ADEMAIS DE COÑECER O CADRO, VER POR QUE SE CHAMA ASÍ,... TEMOS QUE MEDIR, CONTAR, VISUALIZAR CORES... UF!!! ASÍ QUEDOU O CADRO

A CONSTITUCIÓN DE 1812

CO GALLO DA CELEBRACIÓN DO 200 ANIVERSARIO DA CONSTITUCIÓN DE 1812, TRABALLAMOS SOBRE A ÉPOCA, VEMOS VÍDEOS, BUSCAMOS DATOS...
COMPARAMOS A CONSTITUCIÓN DE 1812 E A DE 1978... E IMOS TRABALLAR CUN NOVO PERÍODO HISTÓRICO... A IDADE CONTEMPORÁNEA. PODEDES IRNOS ACHEGANDO INFORMACIÓN PARA AXUDARNOS.

LEMBRADES A NOSA IMITACIÓN DE VAN GOGH?

FIXEMOS CADROS IMITANDO A VAN GOGH E HOXE AS NENAS E OS NENOS DE INFANTIL DE CINCO ANOS DÉRONNOS UNHA CHARLA SOBRE VAN GOH E A SÚA ÉPOCA.
ESTIVO ESTUPENDA E APRENDEMOS MOITAS COUSAS.
COMO NON? TEMOS UNHAS FOTOS XENIAIS! XA VOLAS POÑEREMOS.
ESTES SON ALGUNHAS ADAPTACIÓNS DO CADRO DE VANGOG QUE FIXEMOS

O ALUMNADO DE CINCO ANOS PONSE DE ACORDO ANTES DE COMEZAR, NÓS ENSINÁMOSLLES AS NOSAS ADAPTACIÓNS E ANALIZAN AS DIFERENZAS CO CADRO ORIXINAL, COLÓCANSE NO PORTÁTIL E CON AXUDA DUN LIM VANNOS CONTANDO MOITAS COUSAS DE VAN GOGH: ONDE NACEU, ONDE VIVIU, QUEN ERAN AS IRMÁS E OS IRMÁNS, O BEN QUE SE LEVABA CON TEO, O QUE PINTOU, QUE HABÍA NA SÚA ÉPOCA,...

REMATAN A CONFERENCIA AMOSÁNDONOS A ADAPTACIÓN QUE FIXERON DO CADROS "OS XIRASOLES" E PÍDENNOS AXUDA PARA ELABORAR UN CADRO SOBRE MONDRIAN, QUE É O PINTOR SOBRE O QUE TRABALLARÁN A CONTINUACIÓN:

SEGUIMOS TRABALLANDO AO REDOR DA ELECTRICIDADE

XA VOS DIXEMOS QUE FIXERAMOS CIRCUÍTOS ELÉCTRICOS, QUE ELABORARAMOS TARXETAS E QUE TENTAMOS AVERIGUAR O SEGREDO DOUTRAS... HOXE ESTIVEMOS AVERIGUANDO COMO FUNCIONABAN AS PILAS.
FIXEMOS PILAS DE LIMÓN E PILAS DE PATACA... E FUNCIONABAN! UNHA PASADA!
TAMÉN SE PODEN FACER PILAS DE VINAGRE... NISO ANDAMOS.
ASÍ QUE UNHA PILA PODE LEVAR DOUS METAIS DIFERENTES (QUE SERVEN DE POLOS) E UN ÁCIDO... VAIA DESCUBRIMENTO! PENSABAMOS QUE A PILA DE LIMÓN ÍA TER MÁIS INTENSIDADE... PERO NON!
TEMOS FOTOS DESA SESIÓN DE LABORATORIO.

QUEREDES LER O XORNAL CONNOSCO?

DURANTE ESTA SEMANA, CO GALLO DA SEMANA DA PRENSA, PROPUXÉMOSLLE AO ALUMNADO DE INFANTIL QUE LESEN O XORNAL CONNOSCO. POR PARELLAS BAIXAMOS ÁS AULAS DE INFANTIL E TRABALLAMOS CON GRUPIÑOS. FOI UNHA EXPERIENCIA BOI INTERESANTE. VIRON OS ELEMENTOS DO XORNAL, BUSCARON LETRAS CONNOSCO E FIXEMOS ALGÚN PASATEMPO.
AO REMATAR DEIXÁMOSLLES OS NOSOS XORNAIS PARA QUE SEGUISEN LENDO NEL.

OS NOSOS TRABALLOS SOBRE O CÓMIC

DESPOIS DE REALIZAR UN OBRADOIRO DE CÓMICS, INVESTIGAMOS MÁIS E RESUMIMOS O QUE APRENDEMOS EN LIBRIÑOS. ELABÓRAMOLOS EN EQUIPOS. VELAQUÍ ALGÚN EXEMPLO.

DESCUBRIMOS E IMITAMOS UN CADRO DE VAN GOGH

DURANTE O TRABALLO COAS SUPERSTICIÓNS DESCUBRIMOS UN CADRO DE VAN GOGH, UN PINTOR SOBRE O QUE REALIZARON UN PROXECTO AS NENAS E OS NENOS DE INFANTIL DE 5 ANOS.
UN DOS SEUS CADROS SERVIUNOS PARA REFLEXIONAR MOITO SOBRE COMO O DEBUXOU. TENTAMOS IMITALO E OS RESULTADOS FORON ESTUPENDOS. NON VOS PREOCUPEDES QUE XA VOS IMOS POÑER AS FOTOS TAN PRONTO TEÑAMOS REALIZADO OS ÚLTIMOS RETOQUES.

UN PROXECTO CON CIRCUITOS POLO MEDIO

ESTAMOS TRABALLANDO SOBRE A ELECTRICIDADE, QUE SE PRECISA PARA PRODUCILA, QUE OBXECTOS E MATERIAIS CONDUCEN A ELECTRICIDADE,...
ELABORAMOS TARXETAS E EN GRUPOS TENTAMOS AVERIGUAR COMO FORON ELABORADAS. ISTO DA ELECTRICIDADE DÁ MOITO QUE PENSAR!

A FESTA DO ENTROIDO

QUE DÍA TAN ESTUPENDO FOI. LUCIU O SOL... E TODO SAÍU A PEDIR DE BOCA.
DISFRAZÁMONOS DE SALEIROS... SAL PARA NON DERRAMAR OU XA SABEDES... MALA SORTE!!! (GHE,GHE)
BAIXAMOS A VILAVERDIÑO PARA QUE PRESIDISE O ACTO

FIXÉMOSLLE O XUÍZO AO GALO E CONDEÁMOLO

VENDEMOS FILLOAS, ORELLAS, BICAS, BEBIDAS,...AXUDÁRONNOS ALGUNHAS PROFES E A ANPA

E LEVAMOS AO GALO EN PROCESIÓN PARA QUE O QUEIMASEN

ELABORANDO O CÓMIC

EN GRUPOS COOPERATIVOS ELABORAMOS A LIÑA ARGUMENTAL PARA DESEÑAR O CÓMIC. CON ELA PLANIFICAREMOS VIÑETAS, BOCADILLOS, PERSONAXES, CARTELAS,...
AQUÍ ESTAMOS EN PLENO TRABALLO

E MÁIS SOBRE SUPERSTICIÓNS

DESPOIS DA ENORME CELEBRACIÓN SOBRE A PAZ, UN XESTO DE PAZ ENORME ENTRE TODO O CENTRO, NO QUE TIVEMOS UNHA COLABORACIÓN ACTIVÍSIMA: ORGANIZANDO, PINTANDO CÍRCULOS, ACOMPAÑANDO AO ALUMNADO,... TOCA SEGUIR COAS SUPERSTICIÓNS!
LEMOS TEXTOS VARIADOS
TRABALLAMOS SOBRE OS CÓMICS, FIXEMOS UN OBRADOIRO...
E ELABORAREMOS CÓMICS SOBRE AS SUPERSTICIÓNS EN INGLÉS E EN GALEGO, PEPO E NEVADO VAN VOLVER SER PROTAGONISTAS... E VAI HABER ALGO DE SAL. XA VOS CONTAREMOS!

NA CELEBRACIÓN DA PAZ

ESTE CURSO COMO SOMOS O ALUMNADO MAIOR DO CENTRO, TÓCANOS AXUDAR NA ORGANIZACIÓN.
ENCANTADAS E ENCANTADOS AXUDAMOS A PREPARAR A FESTA DA PAZ. MIRÁDENOS PINTANDO O PATIO PARA QUE OS GRUPOS INTERNIVEIS SE COLOCASEN PARA DESVELAR A MENSAXE ENIGMÁTICA



DESPOIS AXUDAMOS A FORMAR OS MACROGRUPOS COS NUMERAIS QUE CADAQUÉN LEVABA. NÓS TIÑAMOS PARTE DA MENSAXE A DESVELAR E TIÑAMOS QUE DAR PISTAS. AO FINAL COMPUXEMOS ENTRE TODO O CENTRO O MURAL QUE SE PODE VER NO PATIO ...


REMATOU A CELEBRACIÓN CUN BAILE, INTERPRETADO POR TODO O COLEXIO, UN BAILE RELACIONADO CO TEMA DE TRABALLO DESTE ANO: XESTOS POLA PAZ.

XESTOS PEQUENOS DE TODOS OS DÍAS PODEN FAVORECER A PAZ

ADEMAIS DOS XESTOS SUPERSTICIOSOS COMO CRUZAR OS DEDOS, FACER A FIGA, TOCAR MADEIRA,...
HAI XESTOS MÁIS IMPORTANTES COMO: SAÚDO, DESPEDIDA, AGRADECEMENTO,...
ÁS VECES PEQUENOS XESTOS SON MÁIS IMPORTANTES PARA CONSEGUIR A PAZ QUE GRANDES TRATADOS.

PEPO E NEVADO VOLVÉRONSE SUPERSTICIOSOS

AS NOSAS MASCOTAS ANDAN ALGO SUPERSTICIOSAS.
NÓS INVESTIGAMOS SOBRE SUPERSTICIÓNS DE BOA E DE MALA SORTE.
FALAMOS DO GATO NEGRO, DO NÚMERO 13, DAS ESCALEIRAS, DE... HAI TANTAS SUPERSTICIÓNS!!!
AGORA IMOS INVESTIGAR SOBRE SUPERSTICIÓNS GALEGAS... PODE SER DIVERTIDO... SEGURO QUE HAI COUSAS NAS QUE CREMOS E QUE NON SABIAMOS QUE ERAN SUPERSTICIÓNS.